Ego, in Dei nomine, Vuitbertus dono Deo et sanctis apostolis ejus Petro et Paulo et ad locum Cluniacum, ubi domnus Maiolus abbas preest, aliquid de res meas que sunt site in pago Matisconense, in agro Maciacense, in villa Sarciaco, id est campum unum; et terminat a mane terra Sancti Petri, a medio die Sancti Vincentii, a sero via publica, a certio terra Berengarii. In alia villa dono etiam alium campum unum in villa Dumbinas; et terminet a mane terra Sancti Petri, a medio die terra Sancti Marcelli, a sero via publica, a cercio Giraldi. Infra istas terminaciones, quicquid habeo dono Deo et jam dictis apostolis, ut faciant rectores ipsius loci die presente quicquid facere voluerint, sine ullo contradicente. Si quis hanc donationem aliqua calumpnia inferre presumpserit, primitus iram Dei incurrat, et cum Dathan et Abiron sit in inferno et cum eis qui dixerunt Domino Deo: «Recede a nobis»; et non vindicet quod repetit, set auri libras V persolvat, et inde firma et stabilis permaneat, cum stipulatione subnixa. Actum Cluniaco publice. S. Vuitberti, qui fieri et firmare rogavit.